ਟਿੱਬਿਆਂ ਦੇ ਪੁੱਤ


        ਟਿੱਬਿਆਂ ਦੇ ਪੁੱਤ

             ਟਿੱਬਿਆਂ ਦੇ ਪੁੱਤਾਂ ਆਖਿਰ  ,
             ਟਿੱਬਿਆਂ ਚ ਰਲ ਹੀ ਜਾਣਾ ਸੀ।
             ਸੂਰਜਾਂ ਦਿਆਂ ਵਾਰਸਾਂ ,
             ਸ਼ਾਮਾਂ ਨੂੰ ਢਲ ਹੀ ਜਾਣਾ ਸੀ।
             ਗਮ ਹੈ  ਕਿ ਬਹੁਤ ਕਾਹਲੀ ਕੀਤੀ,
             ਅੱਜ ਵੀ ਗਏ ਓ, ਉਂਝ ਕੱਲ੍ਹ ਵੀ ਜਾਣਾ ਸੀ।
             ਗਿਰਝਾਂ ਨੂੰ ਭਾਂਉਂਦਾ ਨਾ ਬਾਜਾਂ ਦਾ ਉੱਡਣਾ,
             ਚਾਲਬਾਜਾਂ ਚਾਲ ਕੋਈ ਚੱਲ ਹੀ ਜਾਣਾ ਸੀ।
             ਹਨੇਰੀ ਰਾਤ ਦੇ ਜੁਗਨੂੰ ਸੀ,
             ਅਕਸਰ "ਸਰਕਾਰ" ਨੂੰ ਖਲ ਹੀ ਜਾਣਾ ਸੀ।
             "ਪੰਜਾਬ" ਤੋਂ ਸ਼ੁਰੂ ਸਫਰ ਕੀਤਾ,
             ਆਖਿਰ "ਅਨੰਦਪੁਰ" ਵੱਲ ਹੀ ਜਾਣਾ ਸੀ।
             ਕਾਤਿਲ ਹੀ ਕਰਨਗੇ ਤਫਤੀਸ਼ਾਂ,ਨਿਆਂ ਕਿੱਥੇ,
             ਆਪਣਾ ਹੁੰਦਾ ਕੋਈ ਤਾਂ ਮਿਲ ਹੱਲ ਵੀ ਜਾਣਾ ਸੀ।
             ਜੋਬਨੇ ਦੀ ਮੌਤ ਹਿੱਸੇ ਸਾਡੇ ਆਲਿਆਂ ਦੇ ਆਈ,
           ਉਮਰ ਹੰਢਾਕੇ ਆਉਂਦੀ ਤਾਂ ਦੁੱਖ ਝੱਲ ਵੀ ਜਾਣਾ ਸੀ।
              
              ਜਗਸੀਰ ਸਿੰਘ ਉਗੋਕੇ
               9878387150
           Thewhrighter.blogspot.com 
               

                
        






टिप्पणियाँ

एक टिप्पणी भेजें

इस ब्लॉग से लोकप्रिय पोस्ट

ਜੱਟ ਤੇ ਰੱਬ

 ਬਿਜਲੀ ਲਿਸ਼ਕੇ ਬੱਦਲ ਗਰਜਣ, ਜੱਟ ਦੇ ਦਿਲ ਨੂੰ ਰੱਬ ਲੱਗਾ ਪਰਖਣ। ਅਣਹੋਣੀ ਨਾ ਤੂੰ ਕਰਦੀਂ ਕੋਈ,  ਰੱਬ ਨੂੰ ਜੱਟ ਲੱਗਾ ਵਰਜਣ। ਫਸਲ ਤੇ ਬਰਫ ਵਿਛੀ ਦੇਖ ਕੇ, ਰੱਬ ਦੇ ਉੱਤੇ ਲੱਗਾ ਹਰਖਣ। ਮੈਂ ਬੀਜੀ, ਫਿਰ ਪਾਲੀ ਪੋਸ਼ੀ,  ਰੱਬਾ ਤੂੰ ਨਾ ਦਿੱਤੀ ਵੱਢਣ। ਤੰਗ ਆ ਗਿਆ ਤੇਰੇ ਤੋਂ ਮੈਂ, ਲੱਗਾ ਹਾਂ ਇਹ ਧੰਦਾ ਛੱਡਣ। ਜੱਟ ਦੀ ਅੱਖੋਂ ਇਕ ਹੰਝੂ ਡਿੱਗਾ, ਬਣ ਗਿਆ ਇਕ ਵੱਡਾ ਦਰਪਣ। ਦੇਖੇ ਪੰਛੀ ਚੋਗਾ ਫਿਰਦੇ ਲੱਭਦੇ, ਚਾਰੇ ਨੂੰ ਪਸ਼ੂ ਪਏ ਤਰਸਣ। ਜੱਗ ਦੇ ਉੱਤੇ ਕਾਲ ਪੈ ਗਿਆ,  ਭੁੱਖ ਦੇ ਮਾਰੇ ਲੋਕੀਂ ਤੜਪਣ। ਚਾਰੇ ਪਾਸੇ ਚੀਕ ਚਿਹਾੜਾ, ਭੁੱਖੇ ਭਾਣੇ ਬੱਚੇ ਵਿਲਕਣ। ਉੱਠਿਆ ਜੱਟ ਤੇ ਫਿਰ ਰੋਇਆ,  ਰੋਇਆ ਤੇ ਫਿਰ ਲੱਗਾ ਹੱਸਣ। ਤੇਰੇ ਵੱਸ ਨੀ ਰੱਬਾ ਕੁਝ ਵੀ, ਸਾਰੇ ਲੋਕੀਂ ਵੱਲ ਮੇਰੇ ਤੱਕਣ। ਮੈਨੂੰ ਸਾਰੇ ਅੰਨਦਾਤਾ ਕਹਿੰਦੇ, ਤੇਰੀ ਤਾਂ ਹੀ ਵੱਧਗੀ ਧੜਕਣ। ਮੇਰੇ ਨਾਲ ਤੂੰ ਕਰੇਂ ਈਰਖਾ, ਤੇਰੇ ਦਿਲ ਦਾ ਮੈਂ ਲਾਇਆ ਲੱਖਣ। ਖੇਤੀ ਨਹੀਂ ਮੈਂ ਹੁਣ ਛੱਡਦਾ, ਲੱਗਿਆ ਫਿਰ ਜੱਟ ਧੰਦ ਫੱਕਣ।          ਜਗਸੀਰ ਸਿੰਘ 
Read more »

ਕਿਸਾਨ ਦੀ ਜ਼ਿੰਦਗੀ Farmerlife

चित्र
ਮੰਡੀਆਂ ‌'ਚ ਸੱਧਰਾਂ ਮਰਦੀਆਂ, ਖੇਤਾਂ ਚੋਂ ਉੱਠਣ ਅਰਥੀਆਂ। ਪਿਆਸਿਆਂ ਨੂੰ ਬੀਤਣ ਗਰਮੀਆਂ, ਠਰਦਿਆਂ ਹੀ ਗੁਜ਼ਰਨ ਸਰਦੀਆਂ। ਦੁਨੀਆਂ ਲਈ ਜੋ ਹੈ ਅੰਨਦਾਤਾ, ਓਹਦੇ ਖਾਲੀ ਨੇ ਮੱਟੀਆਂ ਘਰਦੀਆਂ । Jagseer uggoke ਦੁੱਖ ਆਣਕੇ ਗਲੇ ਲਗਾ ਲੈਂਦੇ, ਖ਼ੁਸ਼ੀਆਂ ਕੋਲ਼ ਝੱਟ ਨਾ ਖੜ੍ਹਦੀਆਂ। ਸ਼ਾਹੂਕਾਰ ਵੀ ਰੱਜ ਕੇ ਲੁੱਟਦੇ ਨੇ, ਸਰਕਾਰਾਂ ਵੀ ਘੱਟ ਨਾ ਕਰਦੀਆਂ। ਕੁਦਰਤ ਵੀ ਕਦੇ ਨਾ ਬਹੁੜਦੀ, ਪੁਸ਼ਤਾਂ ਗ਼ੁਰਬਤ ਦੇ ਨਾਲ ਲੜਦੀਆਂ। ਇਹਦੀਆਂ ਰਾਤਾਂ ਸਿਆਹ ਕਾਲੀਆਂ ਇਹਦੇ ਅੱਖਾਂ ' ਚ ਧੁੱਪਾਂ ਵੱਜਦੀਆਂ। ਇਹ ਨਕਲੀ ਬੀਜ ਤਾਂ ਉਗਾ ਲੈਂਦੇ, ਖ਼ੁਸ਼ੀਆਂ ਨਾ ਇਸਤੋਂ ਉੱਗਦੀਆਂ। ਵਾਹ ਰੱਬਾ ਮੇਰਿਆ ਤੂੰ ਵੀ ਕਾਣੀ ਵੰਡ ਰੱਖੀ, ਸਾਨੂੰ ਨਾ ਬਾਤਾਂ ਇਹ ਪੁੱਗਦੀਆਂ।।। ਜਗਸੀਰ ਸਿੰਘ ਉੱਗੋਕੇ
Read more »